शिक्षाको ज्योति, समाजको जग

स्याङ्जाको कालीगण्डकी गाउँपालिकास्थित मिर्मीमा रहेको श्री भगवती माध्यमिक विद्यालय, गुणस्तरीय शिक्षा, नवीनता र विद्यार्थीको सर्वाङ्गीण विकासका लागि निरन्तर समर्पित एक स्थापित सामुदायिक विद्यालय हो। वि.सं. २०१त् मा स्थापना भएको यस विद्यालयले स्थानीय समुदायको आवश्यकता र परिवर्तनशील समयअनुसार शिक्षा क्षेत्रमा सेवा पुर्‍याउँदै आएका छौं।

विद्यालयले प्रविधिमैत्री र समावेशी वातावरणमा विद्यार्थीहरूलाई खोजमूलक, सिर्जनात्मक र व्यावहारिक शिक्षा प्रदान गर्दै आएको छ। बलियो शैक्षिक जगका साथै, विद्यार्थीहरूमा वैज्ञानिक दृष्टिकोण, उत्सुकता र समस्या समाधान गर्ने क्षमताको विकास गर्न विद्यालयले विज्ञान शिक्षाको पठनपाठनमा समेत जोड दिएको छ।

कक्षा १० र १२ को राष्ट्रिय परीक्षाहरूमा निरन्तर उत्कृष्ट नतिजा हासिल गर्दै यस विद्यालयले कालीगण्डकी गाउँपालिकाकै एक अग्रणी सामुदायिक विद्यालयको रूपमा पहिचान बनाएको छ। यो सफलता शिक्षकहरूको समर्पण, विद्यार्थीहरूको मेहनत र अभिभावक तथा समुदायको निरन्तर सहयोगको परिणाम हो।

विद्यालय जीवन विद्यार्थीको भविष्य निर्माण गर्ने महत्त्वपूर्ण चरण हो। त्यसैले शैक्षिक ज्ञानसँगै चरित्र निर्माण, आत्मविश्वास, सिर्जनात्मकता, सामाजिक उत्तरदायित्व र व्यावहारिक सीप विकास गराउनु हाम्रो मुख्य ध्येय हो। शिक्षक र विद्यार्थीबीचको आत्मीय सम्बन्धले यहाँ प्रत्येक विद्यार्थीलाई अघि बढ्न उत्प्रेरित गर्दछ।

श्री भगवती माध्यमिक विद्यालय — ज्ञानको प्रेरणा, चरित्र निर्माण र सशक्त भविष्य!